SULATIN 3:
Sa ating bansa, hindi maiiwasan na
magkaroon ng "kanser" sa lipunan. Ito ang mga bagay na nagiging
dahilan kung bakit hindi umuunlad ang bansa natin. Ano nga ba ang mga halimbawa
nito at paano natin ito masusulusyunan?
Isa sa mga kanser sa lipunan ay ang
gobyerno mismo. Minsan, ginagamit ng ilang nasa posisyon ang kanilang
kapangyarihan para mangurakot. Dahil dito, hindi nabibigyan ng sapat na pondo
ang mga tao at mga proyekto tulad ng mga paaralan at ospital.
Isa pang problema ay ang mga krimen at
pang-aabuso. Bukod pa rito, nandiyan din ang diskriminasyon batay sa relihiyon,
kasarian, o estado sa buhay. Dahil dito, imbes na magtulungan,
nagkakawatak-watak ang mga tao. Kapag walang respeto sa pagkakaiba-iba, mas
mahirap makamit ang pagkakaisa at pag-unlad.
Hindi madaling maayos ang mga problemang
ito, pero hindi rin ito imposible. Kung magsisimula ang pagbabago sa gobyerno
at sa ating mga sarili, may pag-asa pa tayong mabawasan ang mga kanser na ito.
Alam nating hindi ito tuluyang mawawala, pero kaya natin itong labanan at
paliitin.
