SULATIN 4

SULATIN 4: KUNG HINDI SAIYO, HINDI ITO MAPAPASAIYO

    Minsan sa buhay, may mga bagay tayong gustong makuha o maabot, pero kahit anong gawin natin, parang hindi talaga ito para sa atin. Nakakafrustrate, di ba? Pero kung tutuusin, baka may mas malalim na dahilan kung bakit ganun. Ang kasabihang "Kung hindi sa’yo, hindi ito mapapasa’yo" ay hindi lang simpleng pagtanggap sa pagkatalo, ito’y paalala na may mga bagay na talagang hindi nakalaan para sa atin at okay lang iyon.

    Halimbawa, sa pag-ibig. Na-experience mo na ba ang magmahal ng sobra, pero kahit anong effort, hindi mo pa rin nakuha ang "happy ending" na gusto mo? Parang ang sakit, pero minsan, kailangan nating tanggapin na baka hindi siya ang taong para sa atin. Hindi dahil may kulang sa'yo, kundi dahil baka may ibang tao na mas nararapat sa'yo at mas magiging tama ang timing. Kapag pinilit mo ang isang bagay na hindi naman talaga para sa’yo, madalas nauuwi lang ito sa heartbreak o toxic na sitwasyon.

    Ang mahalaga, huwag mong isipin na failure ang hindi mo pagkamit ng isang bagay. Bagkus, ito’y tanda na kailangan mong magtiwala sa proseso ng buhay. Kung para sa’yo, dadating ito sa tamang panahon pero kung hindi, hayaan mo na lang. Kasi baka mas masaktan ka pa kung ipipilit mo. Minsan, ang pagtanggap ang unang hakbang para makita mo kung ano talaga ang para sa’yo.

    Sa huli, ito ay paalala na hindi natin kontrolado ang lahat ng bagay. Pero kontrolado natin kung paano natin haharapin ang bawat pagkatalo o pagkukulang. Magtiwala ka lang na ang para sa’yo ay darating din sa tamang oras, sa tamang paraan, at para sa tamang dahilan.

SULATIN 5

 SULATIN 5: DISKARTE O DIPLOMA

    Sa panahon ngayon, usap-usapan kung ano nga bang mas importante, diploma o diskarte? Sabi ng iba, edukasyon daw ang susi sa tagumpay, pero hindi rin natin puwedeng baliwalain ang galing sa diskarte sa pang-araw-araw na buhay. Pero, bakit kailangan mamili kung puwede namang parehong gamitin?

     Ang diploma, malaking tulong ‘yan. Ito ang nagpapatunay na may alam ka at may kakayahan para sa trabaho. Karamihan ng kumpanya, mas kampante sa mga aplikanteng may diploma, lalo na sa mga trabahong may espesyal na requirements. Bonus pa, nakakapagbigay ito ng kumpiyansa at mas maraming oportunidad.

     Pero, hindi rin papatalo ang diskarte. Ito ang alas mo sa mga sitwasyon na hindi kayang solusyunan ng libro lang. Maraming taong umangat dahil sa galing, sipag, at tiyaga, kahit wala silang diploma. Ang diskarte, parang survival kit mo sa buhay, lalo na kung kailangan mong mag-isip nang mabilis o maging malikhain.

      Kung tutuusin, hindi naman magkaaway ang diploma at diskarte. Mas okay nga kung magkasama sila. Ang diploma, foundation mo, habang ang diskarte, weapon mo para mas makuha ang gusto mo. Kapag magkasama ang kaalaman at creativity, mas panalo ka.

    Sa dulo, ang importante ay ‘wag kang tumigil matuto. Kahit wala ka pang diploma, sige lang. Kahit may diskarte ka na, huwag maliitin ang edukasyon. Sa buhay, tuloy-tuloy lang ang aral, at ang kombinasyon ng diploma at diskarte ang magiging ultimate key mo sa tagumpay.

SULATIN 1

SULATIN 1: PANGARAP

        Ano ba ang aking layunin sa hinaharap? Ang aking layunin sa hinaharap ay maging isang ganap na piloto na hindi lamang magbibigay ng magandang buhay para sa aking pamilya at magulang, kundi pati na rin ang makatulong sa mga nangangailangan.

        Nais kong makapagpatayo ng isang magandang bahay para sa aking pamilya, kung saan magkakaroon kami ng komportableng pamumuhay at pagkakataon upang magsama-sama sa kab
ila ng lahat ng mga pagsubok. Bukod dito, nais ko ring magamit ang aking propesyon upang matulungan ang iba, magbigay ng inspirasyon sa mga kabataan na mangarap at magsikap, at maghatid ng mga serbisyo sa mga lugar na nangangailangan ng tulong. 

    Sa pamamagitan ng pagiging isang piloto, layunin kong makapagbigay ng pagkakataon sa iba na maranasan ang mas magaan na buhay at makapag-ambag sa ikabubuti ng ating bansa at buong mundo.

https://th.bing.com/th/id/OIP.Ksr23nMoCJUf_Yse2GGYLgAAAA?rs=1&pid=ImgDetMain